Dünyanın bir çox ölkələrində evliliklə bağlı müxtəlif adət-ənənələr mövcuddur. Bununla yanaşı, onlar arasında elə adətlər var ki, insanı evlilikdən soyudur. Gözün gördüyü, qulağın eşitdiyi adətlərdən tamamilə fərqlənən bir neçə məqamı sizin diqqətinizə çatdırırıq.

Oxu24.com evlilik haqqında ən qəribə və insanı küsdürən adətləri təqdim edir:

Hindistan

Hindistanda evlilik prosesində gəlin və bəy müqəddəs ocağın başına fırlanır ki, ömür boyu bir yastığa baş qoysunlar. Heç vaxt ayrılmasınlar. Müqəddəs odun ətrafında 4 dəfə fırlandıqdan sonra bəy və gəlin ocaq ətrafında birinci əyləşmək üçün mübarizə aparır. Adətə görə, ilk kim otursa, ömür boyu həmin ailədə o şəxsin sözü kəsərli olacaq.

Mavritaniya

Burada qızların çəkisi 100 kq olmadığı müddətcə evlənmələrinə icazə verilmir. Evlilik üçün namizəd seçildikdən sonra oğlan evi qız evinə bazarlıq edir. Oğlanın anası, xalaları, bibiləri, bacıları daim gəlin namizədinin qidalanmasına diqqət edir. Gəlin namizədi 100 kq olduqdan sonra isə toy olur. Gəlin yeməkdən imtina edərsə, ata evi onu müxtəlif üsullarla cəzalandırır.

Vikinqlər

Vikinqlərdə evlilik qumara bənzəyir. Burada oğlan evi ilə qız evi gəlin namizədin üzərindən pul qazanır. Əvvəl qızın atası öz qızına qiymət biçir, daha sonra isə oğlan evi bu qiymət üzərində yavaş-yavaş məbləği qaldırır. Hərrac isə qızın anasının dur dediyi məbləğdə bitir.

Kolumbiya

Kolumbiyada toy günü qız anası ilk gecəyə şahidlik edir. Buna etiraz edildiyi zaman evlilik baş tuta bilməz.

Bosniya və Herseqovina

Burada isə evlilik adətləri bir növ Türkiyədəki adətlərə bənzəyir. Belə ki, əvvəl bəy namizədi qız evinə dəvət edilir. Qızın atası və qardaşları ilə söhbət edir. Onlar razılıq verdikdən sonra oğlan ailəsi ilə qızı istəməyə gəlir. Bu zaman isə qız evi bəy haqqında müxtəlif suallar verib öz ailəsindən cavab alır. Sonda isə əgər qızı verirlərsə, gəlin namizədi bəy namizədinə duzlu və turş qəhvə bişirir. Oğlan isə bunu sona qədər içməlidir.

Pakistan

Pakistanda evlilik söyüş və təhqirlə başlayır. Belə ki, qız evi bəy namizədini ağlagəlməz sözlərlə təhqir və tənqid edir. Ailəsinə və özünə qarşı səsləndirilən təhqirlərə cavab vermədiyi halda imtahandan çıxmış sayılır. Əgər cavab verərsə, qız evi onu rədd edir.

Şimali Koreya

Qaz və ördək Şimali Koreyada evlilik prosesinin mühüm simvollarındandır. Qədimdə burada evliliyə hazırlaşan oğlanlar atın arxasına ördək və ya qaz bağlayıb qız evinə gedərdilər. İndi isə o adət qalsa da, canlı yox, taxta ördəkdən simvolik şəkildə istifadə edilir. Evlənəcək cütlüklərin evinə taxtadan hazırlanmış ördək qoyulur.

Quam

Quamda bakirə qızların evlənməsinə icazə verilmir. Burada qızlar evlənmək üçün əvvəlcədən bakirəliklərini müəyyən pul qarşılığında satırlar. Həmin pulla da məclis qurulur. (publika.az)


Oxu24.com