Bakıda 256 kiloqram çəkisi olan qadının arıqlama əməliyyatı uğurla başa çatıb.

AZXEBER.COM xəbər verir ki, bu barədə cərrah Fərid Rəfiyev məlumat verib.

O qeyd edib ki, qadın pasient bu gün əməliyyat edilib: "Tibbi təcrübəmdə rast gəldiyim ən çəkili pasientimin bugün əməliyyatı uğurla nəticələndi. Xatırladım ki, pasientimiz bizə 256 kilo çəki ilə müraciət edib. Bir ay hazırlıq aparılandan sonra bugün əməliyyata alınıb. Əməliyyatın əvvəlində çəkilən bu foto çox şey deyə bilir.. O anda olan düşüncə və fikirlərin sayı hesabı yox idi. Sonda isə əməliyyatın uğurla başa çatması ən böyük hədiyyəmiz oldu”.

Qeyd edək ki, artıq çəkidən əziyyət çəkən xəstə 1 aylıq hazırlıq-pəhriz dövründə cəmi 7 kiloqram arıqlaya bilib. Oxu24.com