"Mərkəzi Bankın uçot dərəcəsinin azalması kredit faizlərinin azalmasına təsir etməyəcək".

Oxu24.com xəbər verir ki, bu sözləri iqtisadçı Natiq Cəfərli bildirib. Mərkəzi Bank tərəfindən uçot dərəcəsinin azaldılmasını şərh edən iqtisadçı vurğulayıb ki, yeni qərarın kredit faizlərinin azalmasına təsir edəcəyi gözlənilmir:

"Azərbaycanda iqtisadi institutlar ölü doğulub və ya ümumiyyətlə yoxdur. Ölkədə 5 il öncə uçot dərəcəsi 3% civarında idi. Kreditlər yenə də 20-35 faiz arası dəyişirdi. Hazırda uçot dərəcəsinin 8,25%-ə enməsinə baxmayaraq, kreditlər yenə də 20-35 faiz arası olacaq. Hətta uçot dərəcəsi 2 il əvvəl 15% olanda da kredit faizləri 20-35 faiz arası dəyişirdi. Yəni, bizdə kredit faizlərinin öz həyatı, öz gündəmi, öz bank yiyələri var".

Qeyd edək ki, Mərkəzi Bankın (AMB) idarə heyəti uçot dərəcəsinin 8,5 faizdən 8,25 faizə endirilməsi haqqında qərar qəbul edib. Faiz dəhlizinin yuxarı həddi 10,25 faiz, aşağı həddi isə 6,25 faiz (uçot dərəcəsinə ±2 faizlik diapazonda) müəyyən olunub. Oxu24.com