ABŞ-da Şimali Koreyanın nüvə hücumundan qorunmaq məqsədi ilə bunker inşa etdirən milyonçuya hökm oxunub.

Redaktor.az Lenta.ru-ya istinadən xəbər verir ki, 28 yaşlı Daniel Bekvittə 21 il həbs cəzası verilib.

Qəribə cinayət hadisəsi isə 2017-ci ildə baş verib. Müəmmalı şəkildə evində yanğın baş verən Bekvittin mənzilinin zirzəmisində 21 yaşlı inşaat işçisinin cəsədi tapılıb.

Sonradan məlum olub ki, 28 yaşlı milyonçu Şimali Koreyanın ABŞ-a nüvə raketi atmasından qorxaraq malikanəsində bunker inşa etmək qərarına gəlib. Bu sərsəm ideyasını həyata keçirmək üçün internetdən gənc inşaatçı Askia Hafranı tapıb. Bekvit evinin anonim qalması üçün, Hafranın gözlərini bağlayaraq mütəmadi olaraq öz avtomobili ilə inşa ediləcək zirzəmiyə gətirib.

Gənc oğlan məhz Bekvittin ehtiyatsızlığı ucbatından evdə baş verən yanğın səbəbindən dünyasını dəyişib.


  Oxu24.com