Bakıda yetkinlik yaşına çatmayan qıza qarşı seksual xarakterli zorakılıq hərəkətləri etməkdə təqsirli bilinən Füzuli rayon sakini, 1997-ci il təvəllüdlü Bədəl Əliyevin (cinayət işində adı keçən şəxslərin ad və soyadları şərti verilib – red.) cinayət işi üzrə məhkəmə prosesi başa çatıb.

 Bədəl Əliyev 2013-cü ilin dekabrında yetkinlik yaşına çatmayan Vəfa Səlimovaya qarşı seksual xarakterli hərəkətlər edib.

Məktəbin həyətində intim münasibət
O, Vəfa Səlimovanın yetkinlik yaşına çatmadığını bilərək, onunla cinsi əlaqədə olmaq qərarına gəlib. Bədəl Əliyev Vəfanı Suraxanı rayonu ərazisində yerləşən 282 saylı məktəbin həyətində olan ağacın arxasına aparıb. Orada soyunduraraq, onunla qeyri-təbii yolla cinsi əlaqədə olub, seksual xarakterli hərəkətlər edib.

Qızı aldadıb evinə apardı, əxlaqsız etdi
Daha sonra Bədəl Əliyev Vəfa Səlimova ilə 6 iyun 2014-cü il tarixdə intim əlaqədə olub. O, Vəfanı yaşadığı Suraxanı rayonu, Yeni Günəşli qəsəbəsindəki evlərinə aparıb.
Evlərində Vəfaya zor tətbiq edib və onunla qeyri-təbii yolla cinsi əlaqədə olub. Sonra o, Vəfanı əxlaqsız hərəkətlərə vadar edib.

İstintaqa cəlb edildi, ittiham verildi
Bundan sonra Vəfa Səlimovanın valideynləri baş verən hadisə ilə bağlı hüquq-mühafizə orqanlarına müraciət edib. Müraciət əsasında Bədəl Əliyev saxlanılaraq, istintaqa cəlb olunub.
İstintaq orqanı tərəfindən Bədəl Əliyevin barəsində Cinayət Məcəlləsinin 150.2.3-cü (təqsirkar üçün aşkar surətdə yetkinlik yaşına çatmayan şəxs barəsində seksual xarakterli zorakılıq hərəkətləri etmək) maddəsi ilə ittiham elan edilib.
“Əxlaqsız hərəkətlər etməmişəm”
Təqsirləndirilən şəxs qismində ifadə verən Bədəl Əliyev elan olunmuş ittiham üzrə özünü təqsirli bilməyib. O, ifadəsində göstərib ki, Vəfa Səlimova ilə aralarında sevgi-məhəbbət münasibətləri olub: “Bizim aramızda sevgi-məhəbbət münasibəti yaranıb. Bu səbəbdən biz tez-tez görüşmüşük. Amma Vəfa ilə heç vaxt qeyri-təbii yolla cinsi əlaqədə olmamışam, ona qarşı hər hansı digər əxlaqsız hərəkətlər etməmişəm”.
“Mənimlə cinsi əlaqədə oldu”
Cinayət işi üzrə zərərçəkmiş şəxs qismində tanınan Vəfa Səlimova bildirib ki, ona etiraz etməsinə baxmayaraq, Bədəl Əliyev onun qolundan tutub və ağacın arxasına aparıb: “Bədəl orada mənim şalvarımı soyundurdu və sonra mənimlə arxadan cinsi əlaqədə oldu”.
“6 ayda 5 dəfə cinsi əlaqədə olduq”
Vəfa Səlimova qeyd edib ki, sonradan təqsirləndirilən şəxs onu şantaj etməyə başlayıb: “Cinsi əlaqədə olandan bir neçə gün sonra mənə SMS yazdı ki, əgər onunla olmasam, məni məktəbdə biabır edəcək. Qorxduğumdan Bədəlin dediyini yerinə yetirdim. Altı ay ərzində Bədəl beş dəfə qeyri-təbii yolla cinsi əlaqədə oldu. Bədəl mənimlə aral və oral yolla cinsi əlaqədə olur, mənə qarşı əxlaqsız, pozğun hərəkətlər edirdi”.
“Dedi ki, heç yerə getmə, gəlib cinsi əlaqədə olacam”
Vəfa Səlimovanın sözlərinə görə, Bədəl Əliyevin öz cinsi istəklərini yerinə yetirmədiyi halda, bu barədə hamıya danışacağı ilə ona hədə-qorxu gəlib: “2014-cü ilin iyunun 6-da anam və qardaşımla dənizə getməyə hazırlaşırdıq. Bununla bağlı Bədələ Feysbuk sosial şəbəkəsində bildirdim. Bədəl də dənizə getməyimi qadağan etdi və dedi ki, heç yerə getməyim, bir neçə dəqiqədən sonra gələrək, səninlə qeyri-təbii yolla cinsi əlaqədə olacam”.
Vəfa Səlimova qeyd edib ki, anasına və qardaşına yalandan ayın 8-də keçiriləcək buraxılış imtahanına hazırlaşmaq üçün onlarla dənizə gedə bilməyəcəyini bildirib: “Anam dənizə getdikdən sonra Bədəl bizə gəldi. Mənimlə qeyri-təbii yolla cinsi əlaqədə oldu”.
5 il cəza
Bakı Ağır Cinayətlər Məhkəməsinin 17 may 2017-ci il hökmü ilə Bədəl Əliyev 5 il müddətinə azadlıqdan məhrum edilib. Onun cəzasını ümumi rejimli cəza çəkmə müəssisəsində çəkməsi qərara alınıb.
Hökmdən narazı qalan Bədəl Əliyev apelyasiya şikayəti verib. O, günahsız olduğunu və barəsində bəraət hökmünün çıxarılmasını istəyib.
Həmçinin prokuror da apelyasiya protesti verib. Prokuror təqsirləndirilən şəxsin barəsində olan hökmün ləğv edilməsini, onun cəzasının ağırlaşdırılmasını istəyib. Eyni tələblə zərərçəkmiş Vəfa Səlimovanın da nümayəndəsi apelyasiya şikayəti verib.
Tərəflər şikayətçi oldu, hökm qüvvədə qaldı
Tərəflərin şikayətləri daha sonra Bakı Apelyasiya Məhkəməsində araşdırılıb. Hakim heyəti tərəflərin şikayətlərinin təmin edilməməsi barədə qərar çıxarıb.
Bu qərardan narazı qalan Bədəl Əliyevin vəkili kasasiya şikayəti verib. Həmçinin prokuror və zərərçəkmiş tərəfdə eyni şikayətlə çıxış edib.
Onların şikayətləri araşdırılması üçün Ali Məhkəməyə göndərilib. Hakim Fərhad Kərimovun sədrliyi ilə baş tutan iclasda tərəflərin kasasiya şikayətləri üzrə qərar elan olunub.
Qərara görə, prokurorun protesti, zərərçəkmiş tərəfin və təqsirləndirilən şəxsin şikayəti təmin edilməyib. Oxu24.com