{banner_reklam}

Şamaxı rayonunda qısqanclıq zəminində əmisi oğlunu öldürməkdə təqsirli bilinən 1979-cu il təvəllüdlü Famil Hidayətovun cinayət işi üzrə məhkəmə prosesi başa çatıb.

Publika.az-ın məlumatına görə, Famil Hidayətov əmisi oğlu Şəmsəddin Hüseynovun və qonşusu Sadiq Mikayılovun arvadı Kəmalə ilə gizlin intim münasibətdə olduğunu zənn edib. O, düşünüb ki, qonşusu Sadiq Mikayılov bu məsələni bildiyi üçün onu öldürəcək.

Buna görə də Famil Hidayətov arvadı ilə intim münasibətdə olan həm əmisi oğlundan, həm də qonşusundan qisas alaraq, onları öldürmək qərarına gəlib.

Əmisi oğlu ilə arvadının intim münasibəti

Famil Hidayətov 2017-ci ilin aprelin ortalarından etibarən axşam saatlarında yaşadıqları Şamaxı rayonunun Göylər kəndində yerləşən fərdi yaşayış evindən çıxıb və müxtəlif istiqamətlərdə getdikdən sonra ailə üzvləri tərəfindən tapılaraq evə qaytarılıb.

Aprelin 17-də, axşam saat 23-də Famil Hidayətov yenidən yaşadığı evdən çıxaraq naməlum istiqamətdə gedib. O, qardaşı Nail Hidayətov və əmisi oğlu İlham Hüseynovun kəndarası yollarda onu axtardığını görüb.

Digər xəbərlər:  "Toy gecəsi qız çıxmayıb..." - 5 ayın gəlininin intiharının geniş təfərrüatı+VİDEO


Qətl planı və əlverişli zamanı gözlədi

Bu səbəbdən o, yaşadıqları evin həyətinə qayıdaraq gizlənib. Famil Hidayətov əmisi oğlu Şəmsəddin Hüseynovu öldürmək üçün əlverişli şəraitin yaranmasını gözləyib.

Əmisi oğlunu öldürdü

Famil Hidayətov aprelin 18-də, saat 01-də Şəmsəddin Hüseynovun evdə tək qalan anası Güllüyə baş çəkmək üçün həyətlərinə girdiyini görüb. O, evin birinci mərtəbəsində yerləşən otağa daxil olan Şəmsəddin Hüseynovun arxasınca həmin otağa daxil olub.

Famil Hidayətov əvvəlcədən üzərində gəzdirdiyi bıçaqla Şəmsəddin Hüseynovun döş qəfəsinin və qarın nahiyəsinin sol tərəfinə üç zərbə vurub. Şəmsəddin Hüseynov aldığı zərbənin təsirindən ölüb.

Qonşusunun qapısını döydü, açan olmadı

Daha sonra Famil Hidayətov həmin gecə, saat 01.30-da arvadı ilə intim münasibətdə olduğunu və onu öldürəcəyini zənn etdiyi qonşusu Sadiq Mikayılovdan qisas alaraq, onu qətlə yetirmək qərarına gəlib.

Bu məqsədilə Famil Hidayətov onun yaşadığı evin həyətinə gedərək, giriş qapısını döyüb. Sonra Famil qapının açılmasına nail olmaq üçün Sadiq Mikayılov çağırsa da, Sadiq Mikayılovun onun səsini tanıyaraq qapını açmadığını görüb.

Digər xəbəri oxu:  Bakıda təcili yardım həkimi görün xəstənin üstünə necə gəldi - İçkili olub?+VİDEO

Evin pəncərələrini sındırdı

Bundan əsəbiləşən Famil Hidayətov evin birinci mərtəbəsində olan pəncərəni təpiklə vuraraq açıb. Sonra əlində bıçaq tutmuş vəziyyətdə evin içərisinə daxil olmaq istəyib.

Bu zaman Sadiq Mikayılov əvvəlcədən evin içərisinə qoyduğu dəmir boru ilə ona fəal fiziki müqavimət göstərib və onun evə daxil olmasına imkan verməyib.

Bundan sonra Famil Hidayətov Sadiq Mikayılovu pəncərənin digər tərəfindən bıçaqla bir neçə dəfə vurmaq istəsə də, bunu bacarmayıb.

Azyaşlıların gözlərin qarşısında amansız olay

Daha sonra Famil Hidayətov həmin həyətdə olan mişar daşını götürüb və digər tərəfdə yerləşən pəncərəni sındırmaqla evə girib.

Evə daxil olan Famil Hidayətov bıçaqla evdə olan Sadiq Mikayılovun azyaşlı oğlu, 2006-cı il təvəllüdlü Abdul Mikayılovun və azyaşlı qızı, 1997-ci il təvəllüdlü Qumru Mikayılovanın gözü qarşısında Sadiq Mikayılovu xüsusi amansızlıqla qəsdən öldürməyə cəhd göstərib.

Digər xəbərləri oxu:  Azərbaycanlı idmançı qadının elə videosu yayıldı ki...+VİDEO

Polis zabiti ağır cinayətin törədilməsinin qarşısını aldı

Bu səs-küyə yaxınlıqda olan Şamaxı rayon polis şöbəsinin sahə rəisi, polis leytenantı İlkin Qasımov gəlib. Polis zabiti Famil Hidayətovu rezin dəyənəklə vurub, əlində olan bıçağı yerə salıb. Polis zabitinin müdaxiləsi nəticəsində Famil Hidayətov Sadiq Mikayılovu öldürə bilməyib, onun iki və daha çox şəxsi öldürmək planını qarsısın alınıb.

{banner_reklam1}

Polis və prokurorluq əməkdaşları Famil Hidayətovu saxlayaraq, istintaqa təhvil veriblər. Onun barəsində həbs qətimkan tədbiri seçilib.

Üç maddəli cinayəti işi

İstintaq orqanı tərəfindən Famil Hidayətovun barəsində Cinayət Məcəlləsinin 120.1-ci (qəsdən adam öldürmə), 29,120.2.4-cü (xüsusi amansızlıqla və ya ümumi təhlükəli üsulla adam öldürməyə cəhd etmək) və 29,120.2.7-ci (iki və ya daha çox şəxsi öldürməyə cəhd etmək) maddəsi ilə ittiham elan edilib.

Dəhşətli cinayətlərin səbəbkarı dəli çıxdı

Onun barəsində olan cinayət işi araşdırılması üçün Bakı Ağır Cinayətlər Məhkəməsinə göndərilib. Cinayət işi hakim Əfqan Hacıyevin sədrliyik etdiyi kollegiyada araşdırılıb.

Hakim kollegiyası Famil Hidayətovun cinayəti törədərkən anlaqsız vəziyyətdə olması nəticəsinə gəlib. Famil Hidayətovun cinayət əməlini anlaqsız vəziyyətdə törətdiyinə görə cinayət məsuliyyətindən azad edilib və onun barəsində tibbi xarakterli məcburi tədbirlər tətbiq olunub. Ona ixtisaslaşdırılmış psixiatriya stasionarda məcburi müalicə təyin edilib.

Zərərçəkmiş tərəfin narazılığı

Bu qərardan zərərçəkmiş Şəmsəddin Hüseynovun hüquqi varisi Sədayə Hüseynova apelyasiya şikayəti verib. O, iş üzrə təkrar məhkəmə-psixiatrik ekspertizasının təyin edilməsi, Famil Hidayətovun anlaqlı müəyyən etdikdən sonra Bakı Ağır Cinayətlər Məhkəməsinin qərarını ləğv edilməsini və Famil Hidayətova törətdiyi cinayət əməlinə görə ən ağır cəza təyin olunmasını istəyib.

Zərərçəkmiş tərəfin şikayəti Sumqayıt Apelyasiya Məhkəməsində hakim Nazim Mövsümovun sədrlik etdiyi kollegiyada araşdırılıb. Hakim heyəti zərərçəkmiş tərəfin apelyasiya şikayətinin təmin edilməməsi barədə qərar çıxarıb.

Günün təklif olunan videosu:

Oxu24.com