Çinin “DeepSeek” çat-botunun işində problem yaranıb.

 Oxu24.com  xəbər verir ki, bu barədə məlumat çat-botun saytında yer alıb.

Portalın məlumatına əsasən, sözügedən xəta “böyük” səviyyəsində qiymətləndirilib. 

Bota müvafiq əmrlər verdikdə, “DeepSeek axtarış xidməti indi məşğuldur” bildirişini görmək mümkündür. Çat-bot, həmçinin bir neçə dəqiqə gözləməyi də tələb edir.

Xatırladaq ki, Çinin “DeepSeek” startapı tərəfindən yaradılan “DeepSeek R1” süni intellekt modeli son həftələrdir bütün dünyanın gündəmindədir. Yenilənmiş süni intellekt modeli yanvarın 27-də “App Store”da ən populyar pulsuz tətbiqetmə olub.