​​​​​​

"Vaşinqtonda eniş edərkən helikopterlə toqquşan sərnişin təyyarəsinin ekipajı düzgün hərəkət edib.

OXU24.COM  xəbər verir ki, bunu ABŞ Prezidenti Donald Tramp deyib.

Siyasətçi vurğulayıb ki, fəlakətin səbəbi əslində helikopter pilotunun hərəkətləri olub.

“American Airlines-a məxsus təyyarə eniş edirdi. Hər şeyi düzgün etdi O, bütün eniş təyyarələrinin getdiyi kursda idi.

Nədənsə orada eyni hündürlükdə olan bir helikopter var idi. Görünür, toqquşma anında onlar təxminən eyni hündürlükdə idilər və o, (helikopter) bucaq altında hərəkət edirdi. Dəhşətli idi", - Tramp bildirib.

ABŞ lideri qəza ilə bağlı səs yazılarını dinlədiyini vurğulayıb:

"Bunlar qorxulu, çox qorxulu səsyazmalardır".

O, həmçinin qeyd edib ki, Vaşinqton səmasında təyyarə və helikopter toqquşub, sağ qalan olmayıb.