Slovakiyanın Ukraynadakı səfiri Pavel Vizdal Kiyevdəki Xarici İşlər Nazirliyinin binasına çağırılıb və o, Slovakiya hakimiyyətinin bəyanatları ilə bağlı narazılığını bildirib.

Oxu24.com xəbər verir  ki, bu barədə Ukrayna Xarici İşlər Nazirliyinin saytında bildirilir.

“Slovakiyanın Ukraynadakı səfiri Pavel Vizdal Ukrayna Xarici İşlər Nazirliyinə çağırılıb və ona bildirilib ki, o, rəsmi Bratislavanın Ukraynanın Slovakiya Respublikasının daxili işlərinə iddia edilən müdaxiləsi ilə bağlı bəyanatlarını qətiyyətlə rədd edir”, - məlumatda deyilir.

Diplomatlar slovakiyalı həmkarlarını “konstruktiv dialoqa” qayıtmağa çağırıblar.

Yanvarın 29-da Slovakiya Xarici İşlər Nazirliyi Ukraynanın Bratislavadakı səfiri Miroslav Kastranı söhbətə çağırıb. O, Ukrayna tərəfinin bəyanatlarına kəskin etirazını bildirib.

Həmin gün Ukrayna lideri Vladimir Zelenski Slovakiyanın baş naziri Robert Fikonu Bratislavanın ABŞ-dan qaz almaq istəməməsinə və Rusiya ilə əlaqələrin normallaşdırılmasına verdiyi dəstəyə görə kəskin tənqid edib.

Bundan əvvəl Fiko Zelenskinin qulluqçusu olmaq niyyətində olmadığını bəyan edib və Avropa İttifaqından Kiyevə yeni maliyyə yardımına veto qoymağa hazır olduğunu təsdiqləyib.

Bundan əvvəl Slovakiya polisi bir ukraynalını dövlət çevrilişi təhlükəsi ilə bağlı saxlamışdı.

Nigar