ABŞ prezidenti Donald Tramp Vaşinqton səmasında qəzaya uğrayan təyyarədən sonra vəziyyəti izlədiyini bildirib.

Oxu24.com xəbər verir  ki,bu barədə o, Truth Social sosial şəbəkəsindəki səhifəsində məlumat verib.

"Mən vəziyyəti izləyirəm və onlar əlçatan olduqda daha ətraflı məlumat verəcəyəm",deyə o bildirib.

Sərnişin təyyarəsi ilə Sikorsky H-60 ​​hərbi helikopteri toqquşub. Bu, Vaşinqtonun Reyqan hava limanında 33-cü uçuş-enmə zolağına eniş zamanı baş verib. Sərnişin təyyarəsinin göyərtəsində 60 sərnişin və üç ekipaj üzvü, helikopterdə isə üç ekipaj üzvü olub.

Xilasedicilər hadisədən on dəqiqə sonra qəza yerinə gəliblər. Hazırda əməliyyatda 300-dən çox insan iştirak edir, bəziləri qayıqlarda kömək edir, digərləri isə akvalanqdadır.

Sonradan məlum olub ki, təyyarədə fiqurlu konkisürənlər - rusiyalı dünya çempionları Yevgeniya Şişkova və Vadim Naumov, həmçinin SSRİ çempionatının bürünc mükafatçısı İnna Volyanskaya olub.

Bundan əvvəl Rusiya Fiqurlu Konkisürmə Federasiyası ABŞ-da baş verən təyyarə qəzası ilə bağlı başsağlığı verib.

Nigar