Türkiyənin məşhur aktyorları Halit Ergenç və Rıza Kocaoğlu haqqında araşdırma başladılıb.

 Oxu24.com  Türkiyə mətbuatına istinadən xəbər verir ki, onlar yalançı şahidlik etməkdə ittiham olunurlar.

Belə ki, hər iki aktyor “Gəzi Parkı” etirazlarına öz istəkləri ilə qatıldıqlarını bildiriblər. Lakin prokurorluq Halit Ergenç və Rıza Kocaoğlunun ifadəsini etibarlı hesab etməyib.

Ergenç və Kocaoğlu ifadələrində hadisənin əsas iştirakçılarından biri olan Mehmet Ali Alabora ilə etirazlar ərəfəsində münasibət saxladıqlarını, eləcədə hadisələr zamanı birgə görüntüləri olmasına baxmayaraq əlaqədə olduqlarını inkar ediblər. Bununla da aktyorlar barədə istintaq başladılıb.

Xatırladaq ki, prodüser Ayşe Barım “Gəzi Parkı” hadisələrində şübhəli bilinən Mehmet Osman Kavala və Memet Ali Alabora ilə sıx əlaqə saxladığı aşkar edilib. “Türkiyə Cümhuriyyəti hökumətini devirməyə cəhd” ittihamı ilə ədliyyəyə sövq edilən Barım sülh cinayət məhkəməsi tərəfindən həbs edilib. O, həmçinin şirkətinə bağlı olan aktyorları aksiyalara çəkməkdə günahlandırılır.

Bir müddət əvvəl də Barımın “Gəzi Parkı” hadisələrində iştirak iddiası ilə bağlı aparılan istintaq çərçivəsində şirkətinə bağlı olan aktyorların sözügedən etirazlara qoşulub-qoşulmadığı ilə araşdırma başladılıb. Aktyorlar Halit Ergenç və yoldaşı Bergüzar Korel, Dolunay Soysert, Mehmet Günsür və Rza Kocaoğlu dindirilmək üçün ədliyyəyə çağırılıblar.