ABŞ Daxili İşlər Nazirliyi Meksika körfəzinin adının dəyişdiriləcəyini açıqlayıb.

OXU24.COM xəbər verir ki, bununla bağlı adıçəkilən nazirlik bəyanat yayıb.

Bəyanatda deyilir ki, Meksika körfəzi və Denali dağı rəsmi olaraq Amerika Körfəzi və MakKinli dağı adlandırılıb:

“Prezidentin göstərişi ilə Meksika körfəzi indi rəsmi olaraq Amerika Körfəzi, Şimali Amerikanın ən hündür dağı isə yenidən MakKinli dağı kimi tanınacaq".

Dəyişikliklər dərhal qüvvəyə minsə də, ABŞ Coğrafi Adlar Şurası Coğrafi Adlar İnformasiya Sistemində rəsmi federal adlandırmanın yenilənməsi üzərində işlədiyini açıqlayıb.

Trampın təşəbbüsünə cavab verən Meksika prezidenti Klaudiya Şeynbaum bu dəyişikliyin yalnız ABŞ-ın kontinental şelfinə şamil ediləcəyini və körfəzin hələ də bütün dünyada Meksika körfəzi kimi xatırlanacağını bildirib.