Okayama Elm Universiteti və Monqolustan Elmlər Akademiyasının Paleontologiya İnstitutunun birgə ekspedisiyası 92 sm diametrdə ikiayaqlı dinozavrın ən böyük ayaq izlərindən birini aşkar edib.

Oxu24.com xəbər verir  ki, Hadrozavrlar təbaşir dövründə (təxminən 100-66 milyon il əvvəl) yaşamış ot yeyən dinozavrlar ailəsidir.

 Bu dinozavrlar əsasən ikiayaqlı idilər, həm də dörd ayaq üzərində hərəkət edə bilirdilər ki, bu da onları dövrlərinin ən çox yönlü dinozavrlarından birinə çevirmişdi.

Bundan əlavə, uzunluğu 24 metr olan 13 ardıcıl cığır da daxil olmaqla çoxsaylı başqa ayaq izləri tapılıb. Hər bir ayaq izinin eni təxminən 85 sm-dir.

Okayama Elm Universitetinin Dinozavr Araşdırma Muzeyinin direktoru doktor Şinobu İşigaki bildirib ki, aşkar edilmiş 14 izin təhlili dinozavrların duruşunu, yeriş tərzini, hərəkət sürətini və qrup davranışını öyrənməyə imkan verir. 

Bu günə qədər məlum olan ən böyük hadrozaur skeleti Çinin Şandun əyalətində tapılıb.

Nigar