ABŞ Prezidenti Co Bayden vəzifəsinin son günündə heç yerə getmədiyini deyib.

 Oxu24.com   xəbər verir ki, “Heç yerə getmirəm. "Zarafat yoxdur”,-deyə Bayden Cənubi Karolinada qaradərililərin xristian yığıncağını ziyarət edərkən deyib: 

Baydenin son tam iş günü iki kilsəni ziyarət etməklə başa çatıb. 

Bazar günü səhər o, jurnalistlərə Fələstin nizamlanması mövzusunda danışıb, lakin görüşə gedəcəyi üçün suallara cavab verməkdən imtina edib.

Vəzifəsini tərk edən prezident ilk çıxışı zamanı dəfələrlə dili topuq vurub:

 "Mən... Mən... Delaver ştatından, mən Pensilvaniya ştatının Skrenton şəhərindənəm, orada da işlər o qədər də yaxşı deyildi”.

Bayden qaradərililərə müraciət edib:

"Ştatımın cənub hissələri sizin kimi gülməli danışdı, nə demək istədiyimi bilirsiniz. Nişan zamanı gedirdim... Heç nə planlaşdırmırdım... Tərcümeyi-hal oxumağı xoşlayırdım, çünki prezident olacağımı bilirdim. "Mən kə-kə- kəkələyirdim",- deyə Bayden əlindəki kiçik kartlara baxaraq deyib.

İkinci görüşdə prezident qızlardan ibarət xoru dinləyib, özünü daha inamlı hiss edib. O, zarafatla deyib ki, xor ikiqat ibadətdir, eşitdiyi ifa isə dördqat namazdır.

O, tədbirdəkilərə qohumlarını təqdim etdi: qızı, oğlu Hunterin arvadı və uşağı. Lakin o, həyat yoldaşı ilə birlikdə dua ilə bağlı hansı inancları bölüşdüklərini danışanda yenə kəkələyib.

“Qaradərili tarix Amerikanın tarixidir. Qaradərili mədəniyyət Amerika mədəniyyətidir",- deyə Bayden bildirib.