Gecə saatlarında Bakının Xətai rayonunda yol-nəqliyyat hadisəsi baş verib.

Oxu24.com APA-ya istinadən xəbər verir ki, qəza Fəzail Bayramov küçəsində qeydə alınıb.

İdarəetməni itirən “Porsche” markalı minik avtomobilinin sürücüsü nəqliyyat vasitəsini avtomobil satışı mağazasının qarşısında hərəkətsiz duran “Volkswagen” markalı maşına çırpıb. Nəticədə yol infrastrukturuna ziyan dəyib, bir neçə dekorativ ağac qopub.

Hər iki avtomobilə ziyan dəyib. Əraziyə polis əməkdaşları cəlb edilib.

Faktla bağlı araşdırma aparılır.