“Qarabağ” mərkəz hücumçusu axtarışlarını davam etdirir. 

Oxu24.com  xəbər verir ki, bu barədə Polşanın “goal.pl” portalı məlumat yayıb. 

Ağdam təmsilçisi “Legiya"nın fransalı hücumçusu Migel Alfarelanı transfer etmək istəyir. 

Polşa təmsilçisinin 27 yaşlı futbolçuya başqa təklifləri də var.

Alfarela ötən yay 1 milyon avroya Fransanın “Bastiya” klubundan “Legiya”ya keçib. Onun paytaxt təmsilçisi ilə müqavilə müddəti 2027-ci il iyunun 30-na qədərdir. 

Transfermarkt portalı forvardın bazar dəyərini 600 min avro qiymətləndirir.