Nikolas Maduro Venesuela Milli Assambleyasında keçirilən andiçmə mərasimində ölkə Konstitusiyası ilə bağlı and içib və ardıcıl 3-cü müddətə prezident vəzifəsini icra etməyə başlayıb.

Onun səlahiyyət müddəti 2031-ci ildə başa çatacaq.

"Venesuela xalqı adına və bu Konstitusiya qarşısında and içirəm ki, bütün əhdlərimi, bütün öhdəliklərimi Venesuela Konstitusiyasına və qanunlarına uyğun olaraq yerinə yetirəcəyəm", - Maduro mərasimdə deyib.

O, ilk dəfə 2013-cü ildə dövlət başçısı vəzifəsinə başlayıb.

Açılış mərasimi ilə əlaqədar olaraq Karakasda təhlükəsizlik tədbirləri gücləndirilib, mərkəzin hərəkəti polis və milli qvardiya bölmələri tərəfindən bağlanıb. Parlamentin binasını hərbi əks-kəşfiyyat zabitləri patrul edir. Bir gün əvvəl bir neçə yüz nəfərin iştirakı ilə etiraz aksiyaları keçirən müxalifət, Nikolas Maduronun prezident kimi fəaliyyətə başladığı gün etiraz aksiyalarına çağırıb.

Müxalifət və tərəfdarları iyulun 28-də keçirilən prezident seçkilərinin saxtalaşdırıldığını bildirir. Rəsmi məlumatlara görə, Maduro 51,95%, rəqibi Edmundo Qonzales isə 43,18% səs toplayıb. Elə həmin ay nəticələrlə razılaşmayanlar Karakasda və digər şəhərlərdə etiraz aksiyaları keçirib, hüquq-mühafizə orqanları ilə toqquşublar.

Miri