ABŞ-ın yeni seçilmiş prezidenti Donald Trampın Kanada, Qrenlandiya və Panama kanalı ilə bağlı bəyanatları ona Amerika ictimaiyyətini Ukraynadakı münaqişədən yayındırmağa imkan verir.

Oxu24.com  xəbər verir ki,bu barədə Federasiya Şurasının İnformasiya Siyasəti Komissiyasının rəhbəri Aleksey Puşkov öz Telegram kanalında məlumat verib.

Onun sözlərinə görə, Trampın planları Ukrayna böhranının tez bir zamanda həlli ilə bağlı verdiyi vədlərə dair gözləntiləri azaltmağa da kömək edir. Puşkov vurğulayıb ki, Ağ Evin gələcək rəhbəri vəd etdiyi 24 saat ərzində tapşırığı yerinə yetirə bilməyəcək.

Bir gün əvvəl Tramp Kanada və Qrenlandiyanın ABŞ-ın bir hissəsinə çevrilməli olduğunu açıqlamışdı. Seçilmiş dövlət başçısı həmçinin əlavə edib ki, o, Panama kanalını ABŞ-ın nəzarətinə qaytarmaq və Meksika körfəzinin adını Amerika körfəzi adlandırmaq niyyətindədir. 

Almaniya kansleri Olaf Şolz bildirib ki, Avropa İttifaqı liderləri ABŞ-ın yeni seçilmiş prezidenti Donald Trampın Qrenlandiya və Panama kanalı ilə bağlı son açıqlamalarını anlamayıblar.

Bundan əvvəl Trampın Meksika və Kanadaya yüksək tariflər tətbiq etməyi planlaşdırdığı bildirilirdi.

Nigar