"Dəfələrlə xəbərdarlıq edilməsinə baxmayaraq, təəssüflər olsun ki, hələ də texniki tələblərə cavab verməyən, konstruksiya bütövlüyü pozulmuş, xarici işıq cihazları nasaz  traktor və ya digər kənd təsərrüfatı texnikalarının avtomobil yollarında hərəkətinin şahidi oluruq".

Oxu24.com  xəbər verir ki, bunu Baş DYP İdarəsinin inspektoru polis baş leytenantı Elvin Hacıyev bildirib.

"Həmin texnikaların bu formada avtomobil yollarında hərəkəti digər hərəkət iştirakçıları üçün real təhlükə yaradır.  Təəssüf hissi ilə qeyd edilməlidir ki, hətta bəzən sürücülük hüququ olmadan bu növ texnikaların idarə edilməsi hallarına rast gəlinir ki, bu hal sonda ağır nəticəli yol nəqliyyat hadisələrinin baş verməsini qaçılmaz edir. Qeyd olunanlar nəzərə alınaraq traktor və digər kənd təsərüffatı texnikalarını idarə edən şəxslərdən bir daha yol hərəkəti qaydalarına ciddi riayət etmələri tələb olunur", - deyə məlumatda qeyd edilib.