ABŞ-ın yeni seçilmiş prezidenti Donald Tramp yanvarın 20-nə planlaşdırılan andiçmə mərasimindən bir gün əvvəl Vaşinqtonda Capital One Arenada mitinq keçirəcək.

Oxu24.com  xəbər verir ki,bu barədə CBS News öz mənbələrinə istinadən məlumat yayıb.

Telekanalın məlumatına görə, “Washington Wizards” basketbol komandası və “Washington Capitals” xokkey komandasının arenası təxminən 20 min nəfəri qəbul edə bilər. Orada Tramp yanvarın 19-da həmvətənləri ilə danışmaq niyyətindədir.

“Amerikanı yenidən möhtəşəm et” adlı tədbirin yerli vaxtla saat 15:00-da (Bakı vaxtı ilə 00:00) başlaması planlaşdırılır.

Artıq 2017-ci ildən 2021-ci ilə qədər ABŞ prezidenti vəzifəsini icra edən respublikaçı Donald Tramp 2024-cü il noyabrın 5-də keçirilən növbəti seçkidə qalib gəlib. O, 19-cu əsrdən bəri dörd illik fasilədən sonra Ağ Evə qayıdan ilk Amerika siyasətçisi olacaq. 78 yaşlı Tramp ABŞ-ın 47-ci prezidenti olacaq.

Nigar