Ötən gecə 2025-ci ili qarşılayan Sidneydən Londona kimi dünyanın bütün ölkələri bu anları möhtəşəm atəşfəşanlıqla qeyd edib. 

Oxu24.com   xarici KİV-ə istinadən xəbər verir ki, 2025-ci ilə girən ilk ölkə 31 dekabr saat 13:00-da Okeaniyadakı ada ölkəsi Kiribati olub. 

Bir saat sonra isə Yeni Zelandiya yeni ili salamlayıb. 

Avstraliyanın şərq sahillərinin çox hissəsi 2025-ci ilə 16:00-da daxil olub. 

Yaponiya və Cənubi Koreya yeni ilə saat 18:00-da, Hindistan isə 21:30-da daxil olub.

Gecə 00:00-da Türkiyənin ardından Şərqi Avropa, Yaxın Şərq və bəzi Afrika ölkələri yeni ili qarşılayıb. Paris, Amsterdam, Roma, Madrid və London kimi Qərbi Avropa paytaxtları da 2025-ci ilə qədəm qoyub.

London yeni ili Temza çayı sahilində təşkil edilən atəşfəşanlıqla qarşılayıb.

Yaponiyada yeni ilin əvvəlində məbədlərdə zəng çalınıb. 

Taylandın paytaxtı Banqkokda yeni ilə Çao Phraya çayında parıldayan qayıqlarla daxil olublar. 

Hindistanda insanlar Mumbayda Yeni il şənliyinə toplaşıblar.

ABŞ-nin şərq sahilləri 2025-ci ili yanvarın 1-də saat 08:00-da  salamlayıb. 

Havay isə yeni il üçün 1 yanvar 13:00-a qədər gözləməli olacaq.