"Lazım gələrsə, Rusiya yenidən "Oreşnik" sistemindən istifadə edə biləcək, lakin buna tələsmir".

OXU24.COM  xəbər verir ki, bunu "RİA Novosti" agentliyinə açıqlamasında Rusiya Prezidenti Vladimir Putin deyib.

Dövlət başçısı vurğulayıb ki, Rusiyada "Oreşnik" sistemləri çox olmasa da, mövcuddur.

Dekabrın 26-da Belarus Prezidenti Aleksandr Lukaşenko bəyan edib ki, respublika birinci mərhələdə Rusiyanın onlarla ən son “Oreşnik” raket komplekslərini öz ərazisində yerləşdirməyə hazırdır. Putin də öz növbəsində Lukaşenkonun sözlərinə təbəssümlə cavab verib .

Dekabrın 6-da Lukaşenko Putindən Oreşniki Belarus ərazisində yerləşdirməyi xahiş edib. O, bəyan edib ki, Rusiya rəhbərliyi “Oreşnik” kompleksinin Belarusda yerləşdirilməsinə qərar verərsə, bu yerləşdirmənin məqsədlərini Minsk müəyyən etməlidir.

Putin "Oreşnik"in Belarusda yerləşdirilməsini mümkün adlandırıb və qeyd edib ki, onu quraşdırmazdan əvvəl bu komplekslərin minimum diapazonunu müəyyən etmək lazımdır.