Aktauda Azərbaycan Hava Yollarına məxsus təyyarənin qəzaya uğraması nəticəsində 38 nəfər ölüb

Oxu24.com  xəbər verir  ki,bu barədə Qazaxıstan baş nazirinin müavini, təyyarə qəzasını araşdıran komissiyaya rəhbərlik edən Kanat Bozumbayev məlumat verib. 

Qəzadan sonra üçü uşaq olmaqla 29 nəfər xəstəxanaya yerləşdirilib. 11 nəfərin vəziyyəti ağırdır. Onlar arasında 15 Azərbaycan, 9 Rusiya, 2 Qırğızıstan vətəndaşı var, daha 3 nəfərin vətəndaşlığı dəqiqləşdirilir.

Baş nazirin müavini yanmış meyitlərin tanınmaz halda olduqlarını, onların morqa aparılacağını və şəxsiyyətlərinin müəyyənləşdiriləcəyini qeyd edib.

Baş nazirin müavini onu da bildirib ki, sağ qalanlar arasında Qazaxıstan vətəndaşları yoxdur: “Orda hələlik bir qadın var ki, huşu özündə olmadığından onun şəxsiyyətini müəyyən etmək mümkün deyil. Sənədləri də yoxdur, o, xəstəxanadadır”.

Miri