Xəbər verdiyimiz kimi,  "Azərbaycan Hava Yolları" aviaşirkətinin J2-8243 nömrəli Bakı-Qroznı reysini yerinə yetirən "Embraer 190" təyyarəsinin Aktau şəhərinin yaxınlığında qəzaya uğramasının səbəblərinin araşdırılması və müvafiq tədbirlərin görülməsi üçün yaradılan dövlət komissiyasının üzvləri Aktau şəhərində hadisə yerindədir.

Ölkə.Az xəbər verir ki, yayılan görüntülərdə rəsmilərin hadisə yerinə baxış keçirməsi əks olunub.

Görüntülərdə danışan şəxslər deyir: 

"Baxın, özü də hamısı çöldə içəri girir. Bunlar vurulma ola bilər? Bir az müəmmalıdır. Belə götürəndə, Kəmaləddin müəllim, bunun üstü orada necədirsə, elə olmalı idi. Niyə bu qədər qırma deşiklər var?”

Videoda danışan şəxslərin nazir K.Heydərova müraciət etdiyi ehtimal olunur.

Xatırladaq ki, bu gün Bakı-Qroznı marşrutu üzrə uçan "Embraer 190" sərnişin təyyarəsi Aktaunun hava limanından 3 km məsafədə qəzaya uğrayıb. Qazaxıstanın Nəqliyyat Nazirliyindən bildirilib ki, Aktau şəhərində qəzaya uğrayan təyyarənin göyərtəsində 37 Azərbaycan vətəndaşı olub.