Bəşər Əsədi devirmək üçün hücumda iştirak edən Suriya silahlı qüvvələri  Suriya Müdafiə Nazirliyinə qoşulmağa razılaşıblar.

Oxu24.com xəbər verir  ki, razılıq hakimiyyətə gələn “Həyat Təhrir əl-Şam”ın lideri Əhməd əş-Şara (Əbu Məhəmməd əl-Culani) ilə qrup komandirləri arasında keçirilən görüşdən sonra əldə edilib.

AFP qeyd edir ki, görüşdən sonra dərc olunan fotoda Əhməd əl-Şaraa kürd qüvvələrinin nümayəndələri istisna olmaqla, Suriyada fəaliyyət göstərən bir neçə qruplaşmanın liderləri tərəfindən əhatə olunub. Eyni zamanda, HTS rəhbəri ölkədə “dövlət tərəfindən idarə olunmayan silahların”, o cümlədən kürd qüvvələrinin qarşısının alınması planlarından danışıb.

Dekabrın 22-də Əhməd əl-Şaraa bildirib ki, silahlı qruplaşmalar Suriyada yalnız Müdafiə Nazirliyinin nəzarəti altında mövcud ola bilər. Onun sözlərinə görə, bir çox komandirlər hökumət əleyhinə qüvvələrin hücumu başlamazdan əvvəl də bu şərtlə razılaşıblar. Keçid hökumətində Müdafiə Nazirliyinə Murhaf Əbu Kasra rəhbərlik edəcək - o, HTS-in hərbi qanadının komandiri idi.

Miri