Rusiya prezidenti Vladimir Putin Suriyanın keçmiş prezidenti Bəşər Əsədlə görüşmək niyyətindədir.

Oxu24.com xəbər verir ki, bu barədə Rusiya prezidentinin beynəlxalq məsələlər üzrə köməkçisi Yuri Uşakov bildirib. 

Onun sözlərinə görə, planlaşdırılan görüşün dəqiq tarixi məlum deyil: "Rusiya Federasiyasının prezidenti bu yaxınlarda birbaşa zəng zamanı Əsədlə görüşmək niyyətində olduğunu qeyd etdi. Amma düzünü desəm, nə vaxt görüşəcəyini bilmirəm. Amma Putin dediyi üçün yəqin ki, belə bir görüş keçirəcək". 

Uşakov əlavə edib ki, Rusiya tərəfi Suriyanın yeni hakimiyyət orqanları ilə əlaqə saxlayır.