Rusiya baş nazirinin müavini Vitali Savelyev İran prezidenti Məsud Pezeşkiana Rusiya lideri Vladimir Putinin “2025-ci ilin ilk günlərində” Rusiyaya səfər etmək dəvətini çatdırıb.

Oxu24.com  xəbər verir ki, bu barədə Pezeşkiyanın mətbuat xidməti məlumat yayıb.

Bəyanatda qeyd olunur ki, Savelyev Pezeşkian üçün “Rusiya hökumətinin danışıqlar aparmağa və Rusiya Federasiyasına səfər təşkil etməyə hazır olduğunu” ifadə edib.

Bazar ertəsi Rusiya baş nazirinin müavinləri Aleksey Overçuk və Vitali Savelyevin başçılıq etdiyi Rusiya nümayəndə heyəti Tehrana gəlib.

Bundan əvvəl Rusiya Xarici İşlər Nazirliyinin mətbuat xidməti xəbər vermişdi ki, Rusiya Federasiyası xarici işlər nazirinin müavini Andrey Rudenko və İran xarici işlər nazirinin siyasi məsələlər üzrə müavini Məcid Taxt-Rəvançi Moskva və Tehran arasında müxtəlif səviyyələrdə qarşıdan gələn təmasların cədvəlini müzakirə ediblər. Departamentdən verilən məlumata görə, nümayəndələr nəqliyyat və energetika sahəsində qarşılıqlı fəaliyyət məsələlərini qaldıracaqlar.

Putin bu yaxınlarda bildirib ki, Rusiya və İran İslam Respublikasının prezidenti Məsud Pezeşkiyanın Moskvaya səfəri zamanı əməkdaşlıq sazişi imzalaya bilər.

Bundan əvvəl Putin İranı Rusiyanın müttəfiqi adlandırmışdı.

Nigar

Oxu24.com