Suriyanın yeni hökuməti bütün İran təyyarələrinin, o cümlədən mülki təyyarələrin Suriya səmasında uçmasının qarşısını almağa qərar verib.

Oxu24.com un xarici KİV-ə istinadən xəbərinə görə, Suriyanın yeni administrasiyasının rəhbəri Ahmed eş-Şara (Əbu Məhəmməd əl-Culani ləqəbi ilə tanınır - red.) müsahibəsində bildirib ki, Bəşər Əsədin devrilməsi ilə İranın regiondakı nüfuzu əhəmiyyətli dərəcədə azalıb.

O vurğulayıb ki, Əsəd dövründə İran Suriyadan “Hizbullah”a silah və digər hərbi texnikaları keçirmək üçün istifadə edib. Qeyd edib ki, artıq “İran Hava Yolları”nın təyyarələri, həmçinin “Mahan Air” aviaşirkətinə məxsus təyyarələr Suriya səmasına buraxılmır.