Rusiya və ABŞ çətin ki, yaxın vaxtlarda orta mənzilli raket sazişi üzrə danışıqlar aparsın.

Oxu24.com xəbər verir ki,bu fikri RİA Novosti ilə söhbətində ABŞ Silahlara Nəzarət Assosiasiyasının icraçı direktoru Darel Kimball deyib.

“Yaxın vaxtlarda orta mənzilli ballistik raketlərin məhdudlaşdırılması ilə bağlı yeni razılaşmaların müzakirə olunacağı ehtimalı azdır”, o vurğulayıb.

Kimballun sözlərinə görə, Avropada və Rusiya Federasiyasının qərb hissələrində nüvə ballistik və orta mənzilli qanadlı raketlərin yerləşdirilməsi üzrə potensial məhdudiyyətlər məsələsini araşdırmaq Qərb və Rusiya liderlərinin maraqlarına uyğundur.

Bundan əvvəl Rusiya prezidenti Vladimir Putin bəyan etmişdi ki, ABŞ bunu edərsə, Rusiya Federasiyası orta və daha qısa mənzilli raketləri (INF) yerləşdirə bilər.

ABŞ-ın təşəbbüsü ilə Orta Mənzilli Nüvə Qüvvələr Müqaviləsi (INF Müqaviləsi) ləğv edilib, deyən Putin, Rusiya tərəfinin bu müqavilənin pozulmasından sonra dəfələrlə mənfi nəticələrlə bağlı açıqlama verdiyini qeyd edib.

Bundan əvvəl Yaponiya Amerika raketlərinin yerləşdirilməsi ehtimalını şərh edib.

Nigar