Kirəclə örtülmüş kranı təmizləmək üçün bir neçə praktik üsul var. Bu üsullar sayəsində təmizliyi tez müddətdə həll edərək vaxt da qazanmış olursunuz.

OXU24.COM xəbər verir ki, kranlar kirəcləşdikdə su axını azalır və tıxanma problemi yaranır.

Bu problemi aradan qaldıracaq üsullardan biri sirkədir. Sirkə kirclənməni həll edən təbii və təsirli turşudur. Bir sprey şüşəsinə bir az sirkə tökün və kranlara çiləyin. Bir neçə dəqiqə saxladıqdan sonra parça və ya fırça ilə silin.

İkici təbii vasitə isə limondur. Limon sirkə kimi turşulu bir maddədir. Bu da kirəclənməyə güclü təsir edir. Limonu yarıya bölün və yarısını kranın üzərinə sürtün. Bir müddət gözlədikdən sonra ilıq su ilə yuyun.

Son üsul isə duzdur. Bir qabda duz götürün və üzərinə bir az su əlavə edin. Alınan məhlulu kranın üzərinə yayın və bir müddət buraxın. Sonra isti su ilə yuyun.