Tunisdə 11 Rusiya vətəndaşı Əlcəzairlə sərhədə getdikdən sonra saxlanılıb.

Oxu24.com xəbər verir  ki, bu barədə RBC telekanalı Rusiya səfirliyinin bəyanatına istinadən məlumat yayıb.

“Bu ərazi Tunis üçün həssas infrastrukturun, o cümlədən respublikanın Müdafiə Nazirliyinin yurisdiksiyasında olan infrastrukturun yerləşdiyini nəzərə alaraq, yerli təhlükəsizlik qüvvələrinin xüsusi nəzarəti altındadır. Həmçinin, sərhəd bölgəsində terrorçu qruplaşmaların olması səbəbindən gərgin vəziyyət qalmaqdadır”, - səfirlikdən bildiriblər.

Rusiya diplomatları artıq Tunis təhlükəsizlik qüvvələri ilə danışıqlar aparır.

Bundan əvvəl Rusiyanın Tunisdəki səfirliyi saxlanılan ruslarla bağlı Tunis rəsmiləri ilə əlaqə saxladığını bildirmişdi.

Qeyd edək ki, bir müddət əvvəl Türkiyədə metroda tanımadığı şəxsin şəklini çəkən rusiyalı saxlanılıb.

Nigar