ABŞ və Avropa NATO-ya üzvlükdən imtinaya görə kompensasiya olaraq Ukrayna tərəfinə 12-15 hava hücumundan müdafiə sistemi təqdim etməlidir.

Oxu24.com xəbər verir ki,bu barədə Ukrayna prezidenti Vladimir Zelenski Telegram kanalında bildirib.

“Açığı, tərəfdaşlarımız bilirlər: ölkəmizi Rusiyanın raket hücumlarından tam qorumaq üçün bunlardan başqa bizə daha 12-15 sistem lazımdır. Bu realdır. Əsas olan tərəfdaşlarımızın siyasi iradəsidir”.

Zelenskinin sözlərinə görə, Ukraynanı NATO-ya dəvət edə bilməməsinə görə təzminat kimi xeyli sayda hava hücumundan müdafiə sistemi vəd edilib. Ukrayna lideri vurğulayıb ki, o, vəd edilənlərin yerinə yetirilməsini xahiş edir. O əlavə edib ki, bu tələb Şimali və Baltikyanı ölkələrin Birgə Ekspedisiya Qüvvələrinin alyansının sammiti zamanı səsləndirilib.

Bundan əvvəl vətənə xəyanətdə şübhəli bilinərək həbsdə olan Ali Radanın deputatı Aleksandr Dubinski demişdi ki, Ukrayna prezidenti Vladimir Zelenskinin qərarları ölkəni kritik vəziyyətə salmağa yönəlib. Onun sözlərinə görə, Zelenski “NATO-ya dəvət” və ya “Avropa qoşunlarının sülhməramlı missiyası” kimi tamamilə qeyri-real çoxmərhələli ssenarilərdə çıxış yolu axtarır.

Bundan əvvəl Tramp Zelenskini Ukrayna ilə bağlı razılaşmaya hazırlaşmağa çağırıb.
 

Nigar