Birləşmiş Ştatlar M1A2T modifikasiyasının 38 Abrams tankının ilk partiyasını Tayvana çatdırıb.

Oxu24.com xəbər verir  ki, bu barədə Agence France-Presse Tayvanın müdafiə departamentinə istinadən məlumat yayıb.

Əvvəlcə döyüş maşınlarının tədarükü 2024-cü ilin ortalarına planlaşdırılırdı, lakin o, daha gec tarixə təxirə salındı. Taypey 2025-ci ildə daha 42 Amerika tankı, 28 döyüş maşınının son partiyasını isə 2026-cı ildə alacaq.

108 Abrams M1A2T tankının Tayvana 2,2 milyard dollara satılması 2019-cu ildə ABŞ Dövlət Departamenti tərəfindən təsdiqlənib. M1A2T, Tayvanın tələblərinə uyğun olaraq modernləşdirilmiş M1A2 əsas döyüş tankının modifikasiyası, SEPv2 (Sistem Təkmilləşdirmə Paketi versiyası 2) versiyasıdır. Hazırda Tayvanın tank donanması əsasən köhnəlmiş növlərdən olan 1 min döyüş maşınından ibarətdir.

Nigar