Bir vaxtlar Hollivudun ən çox qazanan aktyorlarından olan Cim Kerri, "Sonic the Hedgehog 3" filmi ilə yenidən böyük ekrana qayıdır.

OXU24.COM  xəbər verir ki, Kerri, bu dönüşün səbəbinin yalnız sənət sevgisi olmadığını etiraf edib. Əfsanəvi aktyor, karyerasında bu yeni layihəni qəbul etməsində maliyyə vəziyyətinin də təsirli olduğunu bildirib.

62 yaşlı aktyor 1990-cı illərdə "The Cable Guy", "Liar Liar", "Bruce Almighty" və "How the Grinch Stole Christmas" kimi filmlərdən 20 milyon dollarlıq rekord qonorar alıb. Lakin karyerasının zirvəsindəki bu uğurlar illər ərzində azalmağa başladı. Bir vaxtlar sərvəti 300 milyon dollar olaraq təxmin edilən Kerri, etdiyi böyük yatırımlar və dəbdəbəli xərcləmələrlə diqqət çəkib.

Kerrinin maliyyə çətinliklərinə görə Los Ancelesin Brentvud bölgəsindəki malikanəsini satıb. 2023-cü ildə 28,9 milyon dollara satışa çıxardığı malikanəsinin qiymətini 19 milyon dollara qədər endirib.

Daily Mail-in xəbərinə görə, Kerri "Sonic" kainatına dönüşünü maliyyə ehtiyacları ilə əlaqələndirərkən filmin ürək dolu məzmununu da vurğulayıb. Londondakı premyerada verdiyi açıqlamada Kerri zarafatla belə deyib:

"Bunu ilk dəfə edəndə filmin içindəki ürəkdən təsirləndim. Amma düzünü desəm, bir neçə şey aldım və bir az pula ehtiyacım var."

Kanadanın Toronto şəhərində sadə bir həyatla başlayan Kerri, 1978-ci ildə ailəsinə dəstək olmaq üçün məktəbi atıb fabrikdə təmizlikçi kimi çalışıb. Lakin 15 yaşında stendap komediya ilə məşğul olmağa başlayaraq əyləncə dünyasına qədəm qoyub. 1990-cı illərdə "In Living Color" adlı komediya serialı ilə məşhurlaşıb və daha sonra kino dünyasında ikonaya çevrilib.

2004-cü ildə Kanada və ABŞ ikili vətəndaşlığı alan Kerri hər iki ölkədə sevilən bir şəxsiyyətə çevrilib. 2022-ci ildə isə aktyorluğu tərk edəcəyini elan edən Kerri, "Yalnız qızıl mürəkkəblə yazılmış bir ssenari olsa geri dönərəm" deyərək zarafatla təqaüdə çıxma xəbərini vermişdi.