İsrail ordusu hesab edir ki, Suriyanın hava hücumundan müdafiə sisteminin məhv edilməsi İranın nüvə obyektlərinə zərbələr endirmək imkanını açır.

OXU24.COM xəbər verir ki, bu barədə İsrail ordusunun “Galei IDF ” radiosu məlumat yayıb.

“Hərbi-Hava Qüvvələri Suriyanın hava hücumundan müdafiə sisteminin təxminən 86%-ni məhv edib, İDF hesab edir ki, bu, İranın nüvə obyektlərinə hücum ehtimalını açır”, - hesabatda deyilir.

Dekabrın 12-də İsrail ordusunun mətbuat xidməti bildirib ki, İsrail ordusu Suriyaya bir sıra kütləvi zərbələr zamanı strateji yer-hava raketlərinin 90%-dən çoxunu məhv edib.

Dekabrın 7-8-də İsrail qoşunları yarım əsrdən artıq müddətdə ilk dəfə Suriya sərhədini keçərək Qolan təpələrinə daxil olublar. Heç bir müqavimətla qarşılaşmayan ordu Hermon dağ silsiləsinin Suriya tərəfinə nəzarəti ələ keçirib.