Bu gün Bişkekdəki "Manas" Beynəlxalq Aeroportunda bomba xəbərdarlığı səbəbindən sərnişinlərin təcili təxliyəsi həyata keçirilib.

Oxu24.com ın "Sputnik Qırğızıstan"a istinadla verdiyi məlumata görə, bu barədə hava limanının Mətbuat Xidməti xəbər yayıb.

Bildirilir ki, partlayış təhlükəsi barədə məlumat aeroportun elektron poçtuna daxil olub.

Təhlükəsizlik məqsədilə daxili reyslərə qeydiyyat qismən dayandırılıb və sərnişinlər təcili olaraq aeroport binasından təxliyə ediliblər. Hazırda hüquq-mühafizə orqanlarının əməkdaşları bütün otaqların və baqajın hərtərəfli yoxlanışını aparırlar.

Qeyd edək ki, dekabrın 2-də də aeroporta bomba barədə məlumat daxil olmuş, ancaq sonradan həmin məlumat yalan çıxmışdı.