Azəriqaz əməkdaşlarının vətəndaşdan pul tələb etdiyi iddia olunur.

Qaradağ rayonu,Korgöz qəsəbəsində yaşayan sakin Əliyeva Gülxara Azəriqaz əməkdaşlarından şikayətçidir.

Bu barədə Oxu24.com saytına müraciət edən sakin  bildirib ki, qaz xətləri çəkilən zaman qəsəbəyə gedən qaz turbası onun qapısının önündən keçib. Qadının sözlərinə görə,7 ildir ki, qaz xətti onların giriş-çıxışına manə törədir.Sözügedən xəttin yuxarıya qaldırılması üçün onlardan pul tələb edildiyi iddia olunur.

“Mən pensiya ilə dolanan adamam.Qaz turbası qapımın ağzından keçir. Yaşlı adamam, 7 ildir ki, bu turbanın üstündən keçib getməyə məcburam.Bələdiyyəyə və icraya demişik.Bizdən qaz turbasının yuxarıya qaldırılmasına görə 800 manat pul istədilər.Məndə o qədər pul hardandır? Qaz turbasına görə həyətə maşın da girə bilmir”,-deyə  şikayətçi bildirib.

Sözügedən görüntüləri təqdim edirik:

Oxu24.com məsələ ilə bağlı “Azəriqaz” İstehsalat Birliyinin İctimaiyyətlə əlaqələr şöbəsinə sorğu ünvanlayıb.

Miri Məcidli