"Ölkədə hərbi vəziyyətin tətbiqi anti-dövlət qüvvələrinə qarşı mübarizə zərurəti ilə əlaqədar idi".

OXU24.COM  "Yonhap"a istinadla xəbər verir ki, bu barədə hərbi vəziyyətin tətbiqindən sonra komandir vəzifəsinə təyin edilmiş Quru Qoşunlarının Baş Qərargah rəisi Park An-soo bildirib.

"Bütün siyasi fəaliyyətlər, o cümlədən Milli Məclis, rayon məclisləri, siyasi partiyalar, siyasi təşkilatların yaradılması, mitinq və etiraz aksiyaları ilə bağlı fəaliyyətlər qadağandır", - P.An-soo bildirib.

Komandirin sözlərinə görə, bu fərman azad demokratiyanı və xalqın təhlükəsizliyini ölkəni devrilməklə hədələyən anti-dövlət qüvvələrindən qorumaq üçün qəbul edilib.

Park əlavə edib ki, qəbul edilən sənəd bütün media və nəşriyyatlara nəzarəti bərqərar edir, həmçinin tətilə çıxan kursant həkimlərə 48 saat ərzində dərhal işə qayıtmağı tapşırır.