Ukraynada cəbhə xətti yavaş-yavaş Şərqdən Qərbə doğru irəliləyir.

Oxu24.com   xəbər verir ki, bunu NATO-nun baş katibi Mark Rutte alyans ölkələrinin xarici işlər nazirlərinin Brüsseldə keçirilən görüşü ərəfəsində mətbuat konfransı zamanı deyib.

“Biz danışdıqca cəbhə Şərqdən Qərbə doğru hərəkət edir”, deyə o bildirib.

Bundan əvvəl Rutte bildirib ki, Şimali Atlantika Alyansı ölkələri hazırda Kiyevin NATO-ya daxil olması imkanını müzakirə etmir, söhbət yalnız Ukraynaya hərbi dəstəkdən gedir.

Dekabrın 3-də Reuters agentliyi bildirib ki, hazırda NATO-nun 32 üzvü arasında Ukraynanın alyansa dəvət edilməsi ilə bağlı qərar qəbul etmək üçün lazımi konsensusdan əsər-əlamət yoxdur və buna nail olmaq üçün aylarla danışıqlar aparıla bilər. KİV-in məlumatına görə, xarici işlər nazirlərinin dekabrın 3-4-də Brüsseldə keçiriləcək görüşü zamanı diqqət Ukraynaya dəstəyin genişləndirilməsinə yönəldiləcək ki, 2025-ci ildə o, “mümkün danışıqlara girmək” üçün ən güclü mövqedə olsun.

Nigar