Noyabrın 30-dan dekabrın 1-nə keçən gecə Ağdərə rayonunda ağır yol qəzası baş verib.

Oxu24.com  xəbər verir ki, Tərtər sakini 1992-ci il təvəllüdlü Zülfüqarlı İlkin Qurban oğlunun sürdüyü “Nissan” markalı pikap idarəetmədən çıxaraq aşıb.

Nəticədə sürücü xəsarət alıb, sərnişinləri - Tərtər şəhər sakinləri 1999-cu il təvəllüdlü Kərimov Asif Rafiq oğlu, 1987-ci il təvəllüdlü Həsənov Mütalib Telman oğlu, 1998-ci il təvəllüdlü Məmmədov Samir Mədət oğlu və 1975-ci il təvəllüdlü Alxanov Sərdar İmran oğlu hadisə yerində ölüb.

Bildirilib ki, qəzada ölənlər və sürücü Ağdərə rayonu Suqovuşan qəsəbəsində tikintidə işləyirmişlər. Onlar axşam saatlarında işlədikləri yerdən yaşadıqları Tərtər şəhərinə qayıdarkən qəza baş verib.

Qəzada ölənlərdən 26 yaşlı Samir Məmmədovun fotosunu təqdim edirik: