“Baş Qərargah və Rusiya Müdafiə Nazirliyi hazırda Ukrayna ərazisində “Oreşnik” tərəfindən məhv edilmək üçün hədəflər seçir”. 

Oxu24.com TASS-a istinadən xəbər verir ki, bunu Rusiya Prezidenti Vladimir Putin deyib.

Putin əlavə edib ki, Kiyevdəki qərar qəbuletmə mərkəzləri “Oreshnik”in hədəfində ola bilər.

Onun sözlərinə görə, bu raketdən kütləvi şəkildə istifadə olunarsa, zərbənin gücü nüvə silahı ilə müqayisə oluna bilər.

Putin bildirib ki, Rusiya “Oreşnik”in kütləvi istehsalına başlayıb.

O qeyd edib ki, Rusiya Rusiya Federasiyasının dərinliklərinə endirilən zərbələrə cavab olaraq iki gün ərzində Ukraynaya 100 raket atıb.