Gürcüstan Rusiya ilə münasibətlərdə praqmatik siyasət yürütmək niyyətindədir.

Oxu24.com  xəbər verir ki, bunu Gürcüstanın baş nazirliyinə namizəd İrakli Kobaxidze deyib.

"Gürcüstan-Rusiya münasibətlərinə gəlincə, bizim praqmatik siyasətimiz olacaq", - o vurğulayıb.

Bundan əvvəl Rusiyanın xarici işlər naziri Sergey Lavrov bəyan etmişdi ki, kollektiv Qərb ölkələri hazırda Gürcüstanda rəngli inqilab yaratmağa çalışırlar.

Noyabrın 21-də hakim “Gürcü arzusu” partiyası Şalva Papuaşvilinin yenidən parlament sədri vəzifəsinə, hazırkı hökumət başçısı İrakli Kobaxidzenin isə ölkənin baş naziri postuna namizədliyini irəli sürüb.

Oktyabrın 26-da Gürcüstanda parlament seçkiləri keçirilib. Səsvermənin nəticələrinə görə, hakim “Gürcü arzusu” partiyası 54,3% səs toplayaraq qalib gəlib. Lakin müxalifətin bir sıra siyasi birlikləri seçkinin nəticələrini qəbul etməyib, Dəyişiklik Koalisiyasının üzvləri hətta deputat mandatlarından da imtina ediblər.

Bundan əvvəl Almaniyanın Gürcüstandakı səfirliyi mümkün inqilaba eyham vurmuşdu.

Nigar