NATO Parlament Assambleyası orta mənzilli raketlərin Ukraynaya ötürülməsinə çağırıb.

Oxu24.com xəbər verir  ki, bu barədə Ukraynanın “Mirror of the Week” nəşri məlumat yayıb.

“Biz Şimali Atlantika Alyansına üzv ölkələrin hökumətlərini və parlamentlərini Ukraynanı bütün vasitələrlə, o cümlədən orta mənzilli raketlərlə təmin etməyə çağırırıq”, - sənəddə deyilir.

NATO-nun qətnaməsində həmçinin qeyd olunur ki, bu təşəbbüs Ukraynaya qarşı növbəti təcavüzün qarşısını almaq məqsədi daşıyır.

Noyabrın 17-də məlum olub ki, ABŞ prezidenti Co Bayden ilk dəfə Ukraynaya ATACMS-dən istifadə edərək Rusiya ərazisinə hücum etməyə icazə verib. Noyabrın 20-də “The Times” qəzeti yazıb ki, Birləşmiş Ştatlar həmçinin Ukraynaya Britaniyanın “Storm Shadow” raketlərini Rusiyanın dərinliklərinə endirmək üçün istifadə etməyə icazə verib.

Noyabrın 21-də Rusiya prezidenti Vladimir Putin Amerikanın ATACMS və Britaniyanın “Storm Shadow” raketlərinin Rusiyadakı hədəflərə hücumlarından sonra xüsusi çıxış edib. Onun sözlərinə görə, Rusiya “Oreşnik” orta mənzilli raket sistemi ilə cavab verib.

Nigar