Ermənistanın Baş naziri Nikol Paşinyan Xarici İşlər Nazirliyinin, demək olar ki, bütün xidməti avtomobillərinin ixtisar edilməsi ilə bağlı qərar qəbul edib.

Oxu24.com xəbər verir ki, bu barədə məlumatı “Past” qəzeti yayıb.

Bildirilib ki, XİN rəhbəri Ararat Mirzoyan Baş nazirə avtomobillərin xarici qonaqların qəbulu və onların müşayiət edilməsi üçün lazım olduğunu deyərək vəziyyəti düzəltməyə çalışıb:

“Hökumət rəhbəri isə başqa alternativ variantlar tapmaq lazım olduğunu bildirib, məsələn, icarəyə avtomobil götürmək. Mirzoyanın Paşinyanı razı sala bilib-bilməyəcəyi hələ bəlli deyil”.

Bununla yanaşı, bu məsələnin Paşinyanla Mirzoyan arasında münasibətlərə təsir etdiyi qeyd olunub.