Böyük Qərb şirkətlərinin rəhbərliyi müharibə şəraitinə hazırlaşmalı və Rusiya və Çindən gələn şantajlara daha az həssas olmaq üçün istehsal və paylama xətlərini buna uyğun şəkildə tənzimləməlidir.

Oxu24.com  "Reuters"ə istinadən xəbər verir ki, bunu NATO Hərbi Komitəsinin sədri admiral Rob Bauer deyib.

"Əgər bütün vacib xidmətlərin və malların hər cür şəraitdə çatdırılmasını təmin edə bilsək, bu, bizim çəkindirməmizin əsas hissəsi olacaq", deyə Bauer bildirib.

Onun sözlərinə görə, düşmənin qarşısını almaq təkcə hərbi imkanları deyil, həm də müharibədə mövcud olan bütün vasitələrdən istifadə etməyi əhatə edir. “Biz bunu artan təxribat aktlarında görürük və Avropa enerji təchizatı ilə bağlı bunu yaşadı...” o qeyd edib.

Bauer Qərb ölkələrinin bütün nadir torpaq materiallarının 60%-nin istehsal edildiyi və 90%-nin emal olunduğu Çindən olan tədarüklərdən ciddi asılılığına işarə etdi. Admiralın sözlərinə görə, sakitləşdirici dərmanlar, antibiotiklər, antiinflamatuar dərmanlar və hipotansiyonun müalicəsi üçün dərmanlar üçün kimyəvi komponentlər də Çindən gətirilir. “Kommunist Partiyasının bu gücdən heç vaxt istifadə etməyəcəyini düşünsək, sadəlövh oluruq. Avropa və Amerikadakı biznes liderləri başa düşməlidirlər ki, qəbul etdikləri biznes qərarları ölkələrinin təhlükəsizliyinə strateji təsir göstərir. Müəssisələr müharibə ssenarisinə hazır olmalı və istehsal və paylama zəncirlərini uyğunlaşdırmalıdırlar”, - deyə Bauer vurğulayıb.

Nigar