Gərgin demoqrafik vəziyyət fonunda Rusiyanın dinamik inkişaf üçün əmək miqrantlarına ehtiyacı var.

Oxu24.com xəbər verir  ki,  bu barədə  Rusiya prezidentinin mətbuat katibi Dmitri Peskov bildirib.

“Miqrantlar ehtiyacdır. Fakt budur ki, bizdə çox gərgin demoqrafik vəziyyət var. Biz dünyanın ən böyük ölkəsində yaşayırıq, amma bizim sayımız azdır”, deyə o bildirib.

“Dinamik inkişaf etməyimiz və bütün inkişaf planlarını həyata keçirməyimiz üçün əlbəttə ki, işçilərə ehtiyacımız var. Biz onları ancaq alqışlayırıq”, – Peskov vurğulayıb.

Eyni zamanda, Rusiya Federasiyası Prezidentinin mətbuat katibi vurğuladı ki, “miqrantlar problem deyil, problem qeyri-qanuni miqrantlardır”. Peskov Rusiya hakimiyyətinin qeyri-qanuni miqrasiya ilə fəal mübarizə aparmaq niyyətində olduğunu açıqlayıb.

“Qanunların pozulduğu bir mühitdə istər dini ekstremizm, istər narkomaniya və s. olsun, bütün növ cinayətlər üçün ilkin şərtlər artıq yaranır”, - Peskov qeyri-qanuni miqrasiyanın gətirdiyi problemləri sadalayıb.

Miri