![](https://oxu24.com/uploads/posts/2019-04/1556116222_photo_57645.jpg)
Müsəlmanların əksəriyyəti Ramazan ayında oruc tutmaq istəsələr də, bəziləri müxtəlif səbəblərdən bunu edə bilmirlər.
Maraqlıdır ki, Ramazan ayında hansı şəxslər oruc tuta bilər?
İlahiyyatçı Samir Əzizov Oxu24.com-a açıqlamasında bildirib ki, ciddi səbəbləri olmayan hər kəs oruc tutmalıdır:
“Ramazan ayında tutulan oruc mütləq və vacib sayılır. İslamın beş şərtindən biri olan orucun insana heç bir zərəri yoxdur. Həddi-büluğa çatmış, inanclı və sağlamlığı yerində olan hər bir insanın oruc tutması mütləqdir”.
İlahiyyatçı onu da qeyd edib ki, yaş məhdudiyyəti baxımından isə xüsusi yaş həddi var:
“Qəməri təqviminə əsasən, oğlan uşaqlarının 15, qız uşaqlarının isə 9 yaşdan etibarən oruc tutması vacibdir”.
Qeyd edək ki, bu il Ramazan ayı may ayının 6-sı başlayacaq. Oxu24.com
ŞƏRHLƏR