Rusiya xarici işlər naziri Sergey Lavrov bildirib ki, Rusiya G20-nin yekun bəyannaməsində Ukrayna ilə bağlı bəndlə razılaşır.

Oxu24.com xəbər verir  ki, bu barədə RİA Novosti məlumat yayıb.

O vurğulayıb ki, yekun bəyannamənin Ukrayna ilə bağlı bəndində əsas şey real əsaslarla sülh haqqında səmimi söhbətə çağırışdır.

Lavrov həmçinin deyib ki, Qərb dövlətləri Rio-de-Janeyroda keçirilən G20 sammitinin gündəmini “Ukraynalaşdıra bilməyiblər”.

Noyabrın 19-da səhər Britaniyanın “Financial Times” qəzeti yazıb ki, G20 sammitinin yekun kommünikesində bir sıra Avropa nümayəndə heyətləri Ukraynadakı münaqişə ilə bağlı Rusiyaya münasibətdə sərt ifadələrdən əl çəkiblər. İştirakçılardan heç biri “həddindən artıq uzağa getmək” istəmədi, çünki bu, mübahisələrə səbəb olardı, nəticədə yekun sənəd qəbul olunmaya bilər.

Bir gün əvvəl G20 sammitində iştirak edən ölkələrin liderləri yekun bəyannaməni qəbul ediblər. Sənəddə qeyd olunur ki, klub Ukrayna münaqişəsinin həllinə kömək edəcək bütün konstruktiv və müvafiq təşəbbüsləri alqışlayır.

Bundan əvvəl G20 liderləri nüvə silahından azad dünyanın yaradılmasının tərəfdarı idilər.

Nigar