Gürcüstan Daxili İşlər Nazirliyinin əməkdaşları Tbilisidə müxalifətin aksiyasının dağıdılması zamanı 16 nəfəri inzibati qaydada saxlayıblar.

Oxu24.com  bu barədə idarənin mətbuat xidmətinə istinadən xəbər verir.

Qeyd olunur ki, 16 nəfərdən üçü zaminə buraxılıb.

Noyabrın 19-da səhər saatlarında Gürcüstan paytaxtında müxalifət tərəfdarlarının etiraz aksiyaları başlayıb.

Polis etirazçıları geri itələməyə və yolu təmizləməyə çalışır. Nümayişçilər müqavimət göstərsə də, hüquq-mühafizə orqanları gözyaşardıcı qazdan istifadə edir.

Bir gün əvvəl Gürcüstan prezidenti Salome Zurabişvili ölkə vətəndaşlarını parlament seçkilərinin nəticələrinə etirazlarını davam etdirməyə çağırıb.

Oktyabrın 26-da Gürcüstanın ali qanunverici orqanına seçkilər keçirilib. Nəticədə hakim “Gürcü arzusu” partiyası 54,3% səs toplayaraq qalib gəlib. Lakin müxalifətin bir sıra siyasi birlikləri seçkinin nəticələrini qəbul etməyib, Dəyişiklik Koalisiyasının üzvləri hətta deputat mandatlarından belə imtina ediblər.

Bundan əvvəl Gürcüstanda prezident seçkilərinin nə vaxt keçirilə biləcəyi məlum olub.

Nigar