Rusiya prezidentinin mətbuat katibi Dmitri Peskov Abxaziyada baş verənlərlə bağlı Kremlin mövqeyindən danışıb.

Oxu24.com xəbər verir  ki, “Biz respublikada vəziyyətin tezliklə normallaşmasının tərəfdarıyıq. Biz vəziyyətin konstitusiya çərçivəsində qalmasını istəyirik”, - Kreml sözçüsü bildirib.

Peskov həmçinin vurğulayıb ki, Rusiya və Abxaziya arasında ikitərəfli münasibətlər “çox vacibdir” və xarici siyasət prioritetidir.

Abxaziyada Moskva və Suxum arasında investisiya sazişi ilə bağlı etirazlar davam edir.

Etirazçılar Rusiya ilə münasibətlərə qarşı olmadıqlarını, lakin rus oliqarxlarının mümkün sui-istifadələrindən narahat olduqlarını bildirirlər. Noyabrın 15-də nümayişçilər hökumət binaları kompleksini ələ keçirərək prezident Aslan Bjaniyanın istefasını tələb ediblər. Buna cavab olaraq hakimiyyət sazişin ratifikasiya layihəsini geri götürməyə söz verib.

Bjaniya hadisələri çevriliş cəhdi kimi səciyyələndirib və istefa verməkdən imtina edib. Bunun əvəzinə o, növbədənkənar seçkilər elan etdi və vitse-prezident Bədr Qunbanı onlar təşkil olunana qədər dövlət başçısı kimi fəaliyyət göstərməyə dəvət etdi. Müxalifət Qunbanı Bjaniyanın komandasının bir hissəsi hesab edərək, bu namizədliyi rədd etdi və prezident postuna namizədlər irəli sürdü: Parlamentin spikeri Laşa Aşuba və ya hər iki tərəfə uyğun gələn kompromis fiqur.

Bundan əvvəl Abxaziya etirazların Rusiya ilə münasibətlərə mənfi təsir etdiyini açıqlamışdı.

Nigar